50 år sidan opprøret på Stonewall
14-16. juni arrangerer eg Pride for fyrste gong i Sogn & Fjordane, etter at vi i AUF tok initiativ. I år reknar ein nemleg at det er 50 år sidan Pride blei markert for fyrste gong, sidan det er 50 år sidan opprøret på Stonewall i New York. Derfor tenkte vi at det var på tide at Sogn og Fjordane blei ein del av denne historia, ved å arrangere Pride her for fyrste gong.
Stadig fleire LHBT+ menneske flyttar frå distriktet og Sogn og Fjordane for å kunne vere den dei er og elske den dei ynskjer. Målet for Sofjo Pride 2019 vil vere å motvirke dette, og samstundes bidra til meir vekst i fylket vårt.
Ein fersk rapport frå institutt for samfunnsforskning syner til at heile 23 prosent av LHBTI-personar har blitt utsatt for hets og truslar.
Dobbelt så mykje som befolkninga ellers. Og 1 av 4 LHBTI+ mennesker har opplevd hatytringar det siste året. Då eg sjølv gjekk på barneskulen nytta eg «homo» som eit skjellsord. Dette var ikkje fordi eg tenkte at det var noko galt med denne gruppa, det var berre eit skjellsord som «idiot» og anna.
I 2013 då eg skulle på Green Day konsert i storbyen ynskte eg å melde meg inn i det nystifta sosialistiske ungdomslaget i heimkommunen min. Heilt til eg skulle kryssa ei gate i Oslo på denne turen, då ein Pride-parade gjekk forann oss. Sjølv var eg «i skapet» og såg etter sosialistisk ungdom i paraden. Dei var ein liten gjeng som gjekk forbi oss utan å skilje seg veldig ut. So kom AUF, og då var det gjort. I etterkant byrja eg google alt eg kunne om AUF og Arbeidarpartiet. Det som skilte seg ut frå SV/SU var historia. Kor viktig AUF og Arbeidarpartiet har alltid kjempa for rettane til dei som har slitt med å få røysta si høyrt. Eg forstod at å melde meg inn i SU kunne forhindre det ambisiøse målet eg satt meg som fjortenåring;
å sørgje for at uansett kven du er so skal du ha like gode moglegheiter til å lukkast her i livet som alle andre.
Derfor meldte eg meg inn i AUF og derfor arrangerar eg Pride i Sogn og Fjordane.
Innlegget er skrevet av Sandra Tenud. Fylkesstyremedlem for AUF i Vestland.